ભારતીય ઓફ-સ્પિનર રવિચંદ્રન અશ્વિને ઇંગ્લેન્ડ સામે અમદાવાદના નરેન્દ્ર સ્ટેડિયમ ખાતેની ત્રીજી ટેસ્ટમાં જોફરા આર્ચરને આઉટ કરીને કરિયર ૪૦૦મી વિકેટ લીધી છે. અશ્વિને પોતાની ૭૭મી ટેસ્ટમાં ૪૦૦ વિકેટ પૂરી કરી છે. તે આ સિદ્ધિ મેળવનાર વર્લ્ડનો બીજો સૌથી ઝડપી બોલર બન્યો છે. શ્રીલંકાનો મુથૈયા મુરલીધરને ૭૨ ટેસ્ટમાં ૪૦૦ વિકેટ પૂરી કરી હતી અને આ સૂચિમાં પ્રથમ સ્થાને છે.
અશ્વિને ટેસ્ટ ક્રિકેટમાં સૌથી વધુ વખત ઇંગ્લેન્ડના ઓપનર એલિસ્ટર કુક અને બેન સ્ટોક્સને આઉટ કર્યા છે. અશ્વિને બંનેને ૧૦-૧૦ વાર પેવેલિયન ભેગા કર્યા છે. તે ઉપરાંત અશ્વિન વર્લ્ડનો એકમાત્ર બોલર છે, જેણે ટેસ્ટ ક્રિકેટમાં ૪૦૦ ડાબોડી બેટ્સમેનને આઉટ કર્યા છે.