વર્લ્ડ બોક્સિંગ ચેમ્પિયનશિપમાં મેરીકોમના સિલેકશનને લઇ વિવાદ સર્જાયો…

એઆઇબીએ વુમન્સ વર્લ્ડ બોક્સિંગ ચેમ્પિયનશિપ માટે ભારતની ટીમ જાહેર કરવામાં આવી છે. ટીમમાં ૬ વખત વર્લ્ડ ચેમ્પિયન એમસી મેરકોમની પસંદગી થતાની સાથે જ વિવાદ પણ સર્જાયો છે. ટીમના સિલેક્શન પ્રોસેસને લઇને સવાલ ઉઠાવવામાં આવી રહ્યાં છે. ૨૩ વર્ષીય બોક્સર નિખત ઝરીને તો પત્ર લખી ભારતીય બોક્સિંદ એસોસિએશનને આ વિશે જાણ કરી છે.
વુમન્સ વર્લ્ડ બોક્સિંગ ચેમ્પિયનશિપ માટે ખેલાડીઓની પસંદગી કરવાના ઉદેશ્યથી ઇન્દિરા ગાંધી ઇન્ડોર સ્ટેડિયમમાં ત્રણ દિવસ સુધી ટ્રાયલ્સ થયા. ટ્રાયલ્સ ગુરૂવારે સમાપ્ત થયા. ત્યારબાદ ભારતીય બોક્સિંગ એસોસિએશનએ ખેલાડીઓના નામની જાહેરાત કરી હતી. ટીમમાં એમસી મેરીકોમ (૫૧ કિગ્રા) અને સરિતા દેવી (૬૦ કિગ્રા) સહિત કુલ ૧૦ મહિલા બોક્સરને એઆઇબીએ વુમન્સ વર્લ્ડ બોક્સિંગ ચેમ્પિયનશિપમાં ભારતનું પ્રતિનિધિત્વ કરવા માટે પસંદગી કરી છે.
એમસી મેરીકોમ (૫૧ કિગ્રા) અને વર્લ્ડ ચેમ્પિયનશિપમાં બ્રોન્ઝ મેડલ જીતનાર લોવલિના બોરગોહેન (૬૯ કિગ્રા)ના તેમના સતત સારા પ્રદર્શન માટે વગર ટ્રયલે ટીમમાં પસંદગી કરવામાં આવી છે. જોકે, ૫૧ કિગ્રા વર્ગમાં ટ્રાયલ ન થવાથી નિખત ઝરીન નારાજ જોવા મળી રહી છે. તેણે ભારતીય બોક્સિંગ એસોસિએશનને આ વિશે પત્ર પણ લખ્યો હતો.