રહાણેના ફોર્મ વિશે સવાલ પૂછાતા કેપ્ટન કોહલી ભડક્યો…

10

ચેન્નાઇ : ઈંગ્લેન્ડ સામે પહેલી ટેસ્ટમાં ભારતની ૨૨૭ રનથી હાર બાદ બંને ઇનિંગ્સમાં નિષ્ફળ ગયેલા બેટ્‌સમેન અજિંક્ય રહાણેની ટીકા થઈ રહી છે. જોકે કેપ્ટન વિરાટ કોહલીએ રહાણેનો બચાવ કરતાં કહ્યું હતું કે, જો તમારે કંઇક બોલાવવા માંગતા હોય તો તે નહીં થઈ શકે. પૂર્વ ક્રિકેટર સંજય માંજરેકરે ટિ્‌વટ કર્યું હતું કે, મારો મુદ્દો રહાણે સાથે બેટ્‌સમેન તરીકે છે. મેલબોર્નમાં સદી બાદ તેમણે અણનમ ૨૭, ૨૨, ૪, ૩૭, ૨૪, ૧ અને ૦ રન બનાવ્યા હતા. સદી બાદ શ્રેષ્ઠ ખેલાડી લય જાળવી રાખે છે અને નબળા ફોર્મમાં ચાલતા ખેલાડીઓનું દબાણ ઓછુ કરે છે.
ઓસ્ટ્રેલિયામાં કેપ્ટન તરીકે ટેસ્ટ સિરીઝમાં જીતાડવા બદલ રહાણેની પ્રશંસા કરવામાં આવી હતી, પરંતુ તે મેલબોર્નમાં સદી બાદ બેટ લડે કમાલ નથી કરી શક્યો. જોકે, કોહલીએ કહ્યું હતું કે, હું પણ બોલ્ડ થઈ ગયો હતો. જો તમે કંઈક બોલાવવા માંગતા હો, તો તે શક્ય બનશે નહીં, કારણ કે એવું કંઈ નથી. અજિંક્યે અને પૂજારા અમારા સૌથી મહત્વપૂર્ણ ટેસ્ટ બેટ્‌સમેન છે અને અમને તેમની ક્ષમતા પર પૂરો વિશ્વાસ છે.
કોહલીએ ચેન્નાઈમાં રહાણેના પ્રદર્શન વિશે જણાવ્યું હતું કે, તે માત્ર એક ટેસ્ટ અને બે ઇનિંગ્સની વાત છે. તમે આ ઇનિંગ્સને એક બાજુ મૂકી શકો છો, પરંતુ પ્રથમ ઇનિંગ્સમાં તે ચોગ્ગો મારવા માંગતો હતો, જેને રુટે દ્વારા શાનદાર કેચમાં ફેરવી નાખ્યો હતો. જો તે બોલ બાઉન્ડ્રી પાર જાત તો આવી વાત ન થતી હોત. કોઈ સમસ્યા નથી, ખરેખર દરેક ખેલાડી સારી રીતે રમી રહ્યા છે.