આજથી અમરાવતીમાં શ્રીનાથજી મહાત્મય કથાનો પ્રારંભ થયો

ઉમરેઠ,

પુરાણોમાં જેનું ધાર્મિક મહત્વ ચરમસીમાએ હતું તેવી અમરાવતી નગરી એટલેકે આજના ઉમરેઠ નગરમાં તિલકાયત ગો.૧૦૮ શ્રી ઈન્દ્રદમનજી મહારાજશ્રીની આજ્ઞાથી જગદગુરૂ વૈષ્ણવાચાર્ય પંચમ પીઠાધીશ્વર ગો.૧૦૮ શ્રી વલ્લભાચાર્યજી મહારાજશ્રી (કામવન)ના મનોરથ સ્વરૂપે આહિતાગ્ની ગો.શ્રી દેવકીનંદજી મહોદયશ્રીની અધ્યક્ષતા તથા ચિ.ગો.શ્રી વિઠ્ઠલનાથજી બાવાશ્રીના સાનીધ્યમાં ઉમરેઠના શ્રી ગીરીરાજધામ ખાતે શ્રી શ્રીનાથજી ધ્વજાજી આરોહણ  મહોત્વસની ઉજવણીનો આજે  પ્રારંભ થયો હતો. ત્રિવેણી મહોત્સવ અંતર્ગત આજે શ્રી હિરેનભાઇ શાસ્ત્રીજીના કંઠે સાંજે ૪ થી ૭ કલાક દરમ્યાન  શ્રીનાથજી મહાત્મય કથાની અમૃતવાણી રેલાઈ હતી જેનો નગરના વૈષ્ણવોએ લાભ લીધો હતો. આહિતાગ્ની ગો.શ્રી દેવકીનંદજી મહોદયશ્રી, ચિ.ગો.શ્રી વિઠ્ઠલનાથજી બાવાશ્રી તેમજ યજમાન જયંતિલાલ જે કાચવાળા પરિવારના સભ્યો દ્વારા દિપપ્રાગ્ટ્ય કરી ત્રિવેણી મહોત્સવને  ખુલ્લો મુક્યો હતો શ્રી દેવકીનંદજી મહોદયશ્રીએ પુષ્ટીમાર્ગ અંગે સમજ આપી શાસ્ત્રીજી હિરેનભાઇના કંઠે શ્રીનાથજી મહાત્મય કથાનો લાહ્વો લેવા વૈષ્ણવોને અનુરોધ કર્યો હતો. 

  • લેખન નિમેષ પીલુન